| |
В 25 вестах от Тобольска, при селении Абалак, на высоком правом берегу реки Иртыша расположен Абалацкий монастырь. Обитель эта привлекает множество богомольцев со всей Сибири своей замечательной святыней. Здесь находится благоговейно почитаемая чудотворная икона «Знамение» Пресвятой Богородицы. Написана она в 1637 году при третьем
Тобольском архипастыре, благочестивом епископе Нектарии. Живописцем был протодьякон кафедрального Тобольского собора Матфей. Написание иконы совершилось при следующих замечательных обстоятельствах.
В Абалацком погосте, близ Тобольска, в половине XVII в. жила благочестивая вдова, по имени Мария. 10 июля 1636 года эта женщина во сне увидела в своей хижине образ «Знамение» Богородицы с изображениями по сторонам Николая Чудотворца и преподобной Марии Египетской. От образа она услышала глас:
— Мария! Объяви о видении твоем народу и скажи, чтобы построили на Абалацком погосте, по правую сторону ветхой Преображенской церкви, новый деревянный храм во имя «Знамения» Пресвятой Богородицы, что в древнем Новгороде, с приделами святителя Николая и преподобной Марии Египетской.
Пробудившись, Мария не решалась рассказать о своем видении, боясь подвергнуться осмеянию. Некоторое время спустя последовало новое видение: наяву предстал ей виденный в первый раз образ Богоматери. Мария шла из своей хижины, неся в руках хлеб. Вдруг необыкновенный свет озарил ее. На нее нашло некое светлое облако, и она от испуга лишилась чувств. Когда женщина очнулась, то увидела два стоящие на воздухе образа. Один из них был «Знамение» Богоматери, а другой — Марии Египетской. Кроме этого, она увидела как бы живого святителя Николая, стоящего перед образом Царицы Небесной в блестящем архиерейском облачении. Святитель сказал вдовице:
— Мария! Иди и скажи абалацким жителям, чтобы построили церковь, притом чтобы и лес рубили своими руками и преплавили бы его и выносили на гору сами; а если не послушают сего, то узрят гнев Божий, и не только умрет священник, но и лучшие из прихожан.
Но Мария и после этого не осмелилась поведать о бывшем ей откровении. Через несколько дней ей снова было видение наяву. Когда она сидела в своей хижине, занимаясь рукоделием, то вдруг почувствовала благоухание, после чего услышала голос святителя Николая:
— Почему не объявляешь видения и повеления? Ты сама неверием своим наводишь на себя гнев Божий.
Лишь только сказаны были святителем эти слова, как руки ее свело назад судорогами. От страшной боли Мария упала на пол. Но в эту же минуту раздался глас Богоматери, изрекшей:
— Это тяжело: Мне жаль ее.
Боли немедленно стихли, и видение окончилось. Устрашенная вдова поспешила рассказать о своих трех видениях духовному отцу, прося его сообщить обо всем народу. Но и иерей замедлил исполнить небесное повеление. Тогда Марии последовало четвертое грозное откровение, после которого она уже не решилась медлить с исполнением Божьего приказания.
Когда 24 июля она шла в Тобольск и подходила уже к городу, на подгорье она очутилась как бы в тумане и затем увидела перед собой большой облачный столб, простиравшийся от земли до небес. На столбе этом Мария увидела снова два образа: «Знамение» Богоматери и преп. Марии Египетской. На земле же она узрела стоящим как бы живого святителя Николая, который гневно сказал Марии:
— Почему медлишь объявить о видениях и повелении народу? Если еще замедлишь, то всем телом будешь расслаблена; если же объявишь, но тебя не послушают, тогда не ты, а они пострадают.
Вразумленная этим видением, вдовица отправилась к архиепископу Несторию и поведала ему при всем соборе о видениях, после чего рассказала о своих откровениях и всему народу. Марии показали никогда не виденный ей прежде образ «Знамение» Богородицы. Только она взглянула на икону, как узнала в ней являвшуюся к ней Богоматерь и объявила всем, что именно этот образ она видела во всех четырех откровениях. Все граждане тобольские поверили рассказу Марии. Преосвященный же архипастырь дал здесь же абалацким прихожанам благословение строить церковь во имя Богоматери. В богоугодном деле согласились принять участие и многие из благоговейных граждан Тобольска.
В это время лежал в расслаблении один крестьянин Евфимий. К нему пришел нищий, именем Павел, и сказал:
— Евфимий! На Абалаке по повелению Божию строится церковь во имя «Знамения» Богородицы, святителя Николая и преподобной Марии Египетской. Дай обещание написать храмовый образ в эту церковь. Может быть, Господь, по вере твоей и усердию, простит тебя и освободит от болезни.
Как ангела Божия выслушал Евфимий Павла и тогда же дал обет написать икону «Знамение» с предстоящими святителем Николаем и преподобной Марией Египетской. И Господь внял трудам страждущего. В тот же день после полудня Евфимий начал владеть правой стороной своего тела. Испросив благословение у преосвященного Нектария, Евфимий заказал образ Богородицы «Знамение» протодьякону Тобольского Софийского собора Матфею, который славился тогда по всей Сибири как искуснейший живописец.
По мере того, как писалась икона, Евфимию день ото дня становилось легче. Наконец, здоровье его совершенно укрепилось. Тогда он пришел к живописцу и сам понес от него написанный образ в собор для освящения. Удивленный и обрадованный архипастырь возблагодарил Господа за Его чудесную помощь к недужному. Окропив образ святой водой, он отслужил в соборе молебен, после чего с великой честью препроводил икону в Абалацкий погост для поставления ее в новосозданном храме.
Когда совершалось перенесение иконы и шествие церковное достигло деревни Шакталык, где теперь находится Ивановская обитель, Богоматерь прославила Свой образ новым чудом. У крестьянина этой деревни Василия была дочь, которая долгое время страдала глазной болью и уже два года ничего не видела. Услышав, что в Абалак несут образ, Василий вышел со своей несчастной дочерью навстречу иконе. Припав к образу с верой и слезами, скорбящий отец умолял Пречистую Деву помиловать его несчастную дочь, и, к радости и удивлению его и всех присутствовавших, девица прозрела.
Летом 1665 г. Тобольск и его окрестности постигло тяжкое бедствие: продолжительное время здесь шел проливной дождь, и водой затопило хлеба, овощи и травы. Растительность вся погибла, и народ пришел в отчаяние. Тогда Тобольский архиепископ Корнилий распорядился 8 июля принести из Абалака чудотворную икону «Знамение» Богоматери в Тобольск. После торжественной встречи образа архиепископом с градоначальником и множеством граждан и совершенного перед иконой молебствия образ внесен был в собор, где тотчас же началась литургия. Не успело еще богослужение окончиться, как, к удивлению и радости всех, небо прояснилось, проглянули сквозь облака лучи солнца и дождь прекратился. В воспоминание этой милостивой помощи Богоматери архиепископ Корнилий установил ежегодно, 8 июля, переносить образ «Знамение» из Абалака в Тобольск и оставлять его здесь до 23 числа этого месяца.
Этот же архипастырь, возведенный в сан митрополита, вздумал было отменить это постановление. Недобрые люди наклеветали Корнилию, что в его отсутствие, когда он ездил в Москву для возведения в сан митрополита, духовенство нерадиво встречало образ при его перенесении и в соборе происходили бесчинства. Это и послужило причиной запрещения переносить образ в Тобольск. Но гнев Божий поразил владыку: его постигла тяжкая болезнь, продолжавшаяся пять лет и не уступавшая никаким врачебным средствам. Только в конце этого времени преосвященный понял причину своего недуга. Проливая слезы раскаяния, он снова отдал повеление приносить образ в Тобольск, где икона Богоматери не была уже более пяти лет. И когда больной святитель из окна своей комнаты стал смотреть на крестный ход и увидел лик Богоматери, то тотчас же почувствовал облегчение. Когда же образ внесен был в его покои и начался молебен, то болящий владыка без посторонней помощи простоял все время на ногах, а на другой день его здоровье настолько улучшилось, что он мог идти уже в собор для совершения литургии. Икона простояла тогда в Тобольске две недели, от конца сентября до 4 октября. С тех пор обычай перенесения образа в этот город в середине июля строго соблюдается и доныне.
В 1783 году на месте Абалацкого погоста возник монастырь того же имени. Здесь чудотворный образ пребывает и доселе. На Абалацкой иконе Богоматерь изображена с воздетыми к небу руками и с Предвечным Младенцем. По сторонам Богородицы находятся изображения: с правой стороны — святителя Николая, а с левой — преподобной Марии Египетской. Размеры доски, на которой написана икона, — аршин с четвертью в длину и 1 аршин и 1 3/4 вершка в ширину. Образ украшен сребропозлащенной ризой с драгоценными камнями и жемчугом. Чудотворная Абалацкая икона пользуется почитанием не только по всей Сибири, но и в губерниях Европейской России, смежных с Сибирью.
В Сибири известны списки с этого образа в следующих местах: в селе Боровинском, близ г. Ишима, в г. Семипалатинске и проч. Эти копии чудотворного образа усердно почитаются местным населением и носятся по окрестным городам и селам.
Источник: Книга "Е. Поселянин. Богоматерь. Описание Ее земной жизни и чудотворных икон" [1914]
Молитва Пресвятой Богородице перед Ея иконой, именуемой "Абалацкая"
О Пресвятая Владычице моя Богородице, милосердия сущи источник, покрове, упование и прибежище христиан! Тебе, Всесильней Предстательнице и Споручнице покаяния и спасения моего, аз, грешный раб Твой, вручаю душу и тело мое, входы и исходы моя, веру и жительство мое, кончину и число дней моих, глаголы и помышления моя, дела и начинания моя; Ты же, милостивая Мати Божия, мною руководствуй, покрывай, соблюдай и спасай мя от всех вражеских козней невредимо, да немолчно, до последняго издыхания моего, взываю Ти: Радуйся, Невесто неневестная! Радуйся, Святая, святых большая! Пресвятая Богородице, спаси мя! Аминь!
Акафист Пресвятой Богородице перед Ея иконой, именуемой "Абалацкая"
Кондак 1
Избранной Предвечным Царем в наше верных спасение небесе и земли Царице, благодарственныя похвалы приносим Ти, Богородице! Ты же, яко имущая державу непобедимую и милосердие неизреченное, от всяких нас бед свободи и вся благая нам даруй, да зовем Ти: Радуйся, Мати Дево, всепетая христиан похвало.
Икос 1
Архангелы и Ангелы поют Тебе, Деве чистой, немолчныя песни на небеси. Мы же, грешнии, на земли преклоньша колена душ и сердец наших пред Пречистым Твоим образом со слезами умиления, бренными устами вопием Ти: Радуйся, Заступница наша усердная; Радуйся, Мати наша премилосердная. Радуйся, славо наша непроходящая; Радуйся, богатство наше неистощимое. Радуйся, Помощнице наша непреложная; Радуйся, Покровительница наша присная. Радуйся, радосте наша, от всякия скверны плоти и духа нас очищающая; Радуйся, Целительнице наша, болезней душевных и телесных нас избавляющая. Радуйся, похвало наша, радостей духовных нас не лишающая; Радуйся, Владычице наша, помощию Твоею недуги наша исцеляющая. Радуйся, прибежище наше, от врагов видимых и невидимых нас покрывающая; Радуйся, Святая, святых большая. Радуйся, Мати Дево, всепетая христиан похвало.
Кондак 2
Видящи в трикратных видениих боголюбивая вдовица Мариа всечестнаго лица Твоего, Пресвятая Дево, изображение, ужасом великим одержима, убойся поведати о чудесных видениих своих людем, в сердцы же своем, из глубины души взывати Богу: Аллилуиа.
Икос 2
Разум неразумеваемый человеческими помыслы ища разумети в чудном явлении пречистаго Твоего, Богоматери, образа, блаженная Мария новаго удостойся видения, в немже великий святитель Николай грозно повеле ей возвестити виденное, она же со страхом и трепетом всем поведа тайну видения своего и всех научи взывати к Богородице: Радуйся, всех Зиждителя в Твоих ложеснах носившая; Радуйся, Бога плотию рождшая миру Спасителя. Радуйся, в рождестве девство нетленно сохраншая; Радуйся, на земли ангельски пожившая. Радуйся, Бога с человеки примирившая; Радуйся, святых всех Пресвятейшая. Радуйся, Дево Пресвятая, дивно явившая нам образ Свой; Радуйся, Благодатная, в явлении образа Своего милосердие нам являющая. Радуйся, о всех чтущих образ Твой святый промышляющая; Радуйся, всем молящимся Тебе пред святым образом Твоим по мере веры спасение подавающая. Радуйся, чудесами Твоего образа умы наша к горнему миру возводящая; Радуйся, Святая, святых большая. Радуйся, Мати Дево, всепетая христиан похвало.
Кондак 3
Силу Божию ищущи уведети благовернии людие Тобольстии в дивных явлениях образа Твоего, Богомати, собрашася вкупе с архиереем своим Нектарием, да уверитися, яко милосердие Царицы Небесной восхоте посетити и в стране нашей всех, хотящих улучити спасение; уверившеся же и радующеся радостию великою, воспеша Богу: Аллилуиа!
Икос 3
Имеющи всеусердно желание стяжати сокровище небесное, святый лик Твой, Богородице, вси единодушно возжелаша первее своими руками устроити на месте явлений новую в честь Знамения Божией Матери церковь, юже и воздвигоша, со всем усердием воспевая Царице Небесной: Радуйся, ангельское великое удивление; Радуйся, праотеческое дивное утешение. Радуйся, пророческая высокая проповедь; Радуйся, апостольская преславная похвало. Радуйся, святителей изрядное украшение; Радуйся, мучеников крепкое утверждение. Радуйся, преподобных спасительное наставление; Радуйся, постников неизнемогающее воздержание. Радуйся" девствующих чистото и славо; Радуйся, отцев и матерей тихое веселие. Радуйся, всех православных христиан удобрение; Радуйся, Святая, святых большая. Радуйся, Мати Дево, всепетая христиан похвало.
Кондак 4
Буря помышлений сумнительных в радостную тишину преложися, егда видевшая в видениих образ Пречистыя Девы Богородицы указа быти его подобием Знамения Новгородския, точию с предстоящими святителем Николаем и Мариею Египетскою; темже и возопиша вси Богу: Аллилуиа.
Икос 4
Слышав Евфимий, разслабленный телом, но не духом, от некоего старца Павла, еже бы написати явленную икону в новую церковь, созидавшуюся по повелению Божию на Абалаке, потщася вдати дело сие искусному в живописании перводиакону Тобольския кафедры Матфею, егда же образ сей писаше, болящий по малу целяшеся и Богородице усердно пояше: Радуйся, Царице Небесная, явлением честныя Твоея иконы нас обрадовавшая; Радуйся, Мати Божия, чудесным целением от нея нас удивляющая. Радуйся, стране нашей светлое просвещение; Радуйся, земли нашей несокрушимое ограждение. Радуйся, по водам плавающим тишино; Радуйся, обуреваемым небурное пристанище. Радуйся, путешествующим легкое прехождение;
Радуйся, блуждающим милосердная Наставнице. Радуйся, труждающимся благое покоище; Радуйся, обремененным тихое прибежище. Радуйся, в бедах сущим скорая Заступнице; Радуйся, Святая, святых большая. Радуйся, Мати Дево, всепетая христиан похвало.
Кондак 5
Боготечней звезде, приведшей иногда волхвов к Солнцу Правды Христу Богу нашему, подобно бысть явление иконы Твоея, Божественная Дево, в пределах наших: видящи бо молящихся пред нею, предки наши из Тебе познаваху Сына Твоего Спаса нашего, мы же научаемся усерднее пети Ему: Аллилуиа.
Икос 5
Видевши людие Тобольстии честную икону Божия Матере, явившую чудесное исцеление усердствовавшему написати ю, яко божественное сокровище прияша ю и яко многосветлый светильник поставиша в новом храме, ими созданном, радующеся и вопиюще к Богородице: Радуйся, светозарное Светило, страну нашу озаряющее; Радуйся, спасение душам нашим устрояющая. Радуйся, небесным светом сердца наша просвещающая; Радуйся, мир, тишину и благоденствие нам являющая. Радуйся, болящим духовно и телесно здравие подавающая; Радуйся, обидимых Своею честною ризою покрывающая. Радуйся, безнадежных известное надеяние; Радуйся, младенцев разум просвещающая. Радуйся, вдовиц и сирот Кормительнице; Радуйся, нагих одеяние и пленных избавление. Радуйся, просящим помощи скорая Помощница; Радуйся, Святая, святых большая. Радуйся, Мати Дево, всепетая христиан похвало.
Кондак 6
Проповедницы нелестнии великого милосердия Твоего, Владычице, к людем быша вси приявшии чудесныя исцеления от святыя иконы Твоея; вси же слышавшии и видевшии благодатныя токи, изливающиеся обильно от Тебе на страждующих и бедствующих, вкупе с ними радостно воспеваху Богу: Аллилуиа!
Икос 6
Возсия благодать от образа Твоего, Дево Чистая, яко солнце пресветлое в пределех наших, лучами чудес, истекающих от него, град наш и вся грады и страны не точию земли сибирския, но и российския озаряющая, сего ради недоумевающе изрещи величие чудес, от иконы Твоея бывших, Богородице, во умилении сердца, верою и любовию вопием Ти: Радуйся, черною немощию одержимых исцеляющая; Радуйся, болящих очами уздравляющая. Радуйся, падучих болезней избавляющая; Радуйся, слепым зрение отверзающая. Радуйся, злыя демоны от людей отгоняющая; Радуйся, беснующимся здравие подавающая. Радуйся, разслабленных от одра воздвизающая; Радуйся, немым язык и глаголание возвращающая. Радуйся, от всех лютых недугов врачующая; Радуйся, в сониих и видениих страждущим Себя являющая. Радуйся, от всяких напастей чудесно свобождающая; Радуйся, Святая, святых большая. Радуйся, Мати Дево, всепетая христиан похвало.
Кондак 7
Хотяй прославити святую икону Твою, Богородице Дево, Сын Твой и Бог наш Господь Иисус Христос, воочию всех излия от нея неисчерпаемое чудес море, в немже вси погружающиеся с верою и упованием приемлют благодать исцелений и, благодарящи Господа, со страхом и любовию умиленно вопиют Ему: Аллилуиа.
Икос 7
Новыя и преславныя чудеса благодати Твоея, Богородице, яви нам Господь, егда святая икона Твоя носима бе по градом и весям страны нашея; мнози бо верующие внезапу исцеляхуся от разнообразных неисцельных недугов, и неверные к вере обращахуся, с удивлением, умилением и любовию воспевая Тебе: Радуйся, всякие болезни исцеляющая; Радуйся, вся недуги отгоняющая. Радуйся, любовию серафимскою присногорящая; Радуйся, души и сердца наша любовию божественною воспламеняющая. Радуйся, огонь Божества в Себе вместившая; Радуйся, пламене страстей наших изменяющая. Радуйся, от огня греховнаго верующих в Тя соблюдающая: Радуйся, от огня геенскаго любящих Тя избавляющая. Радуйся, от запаления огненнаго жилища наша сохраняющая; Радуйся, света Твоего зарями мрак неведения нашего разгоняющая. Радуйся, теплая наша Заступница и усердная к Богу о нас Молитвенница; Радуйся, Святая, святых большая. Радуйся, Мати Дево, всепетая христиан похвало.
Кондак 8
Странное видение честныя иконы Богоматери, свыше явленное с предстоящими святителем Николаем и Мариею Египетскою, разумевше, устранимся, мужие и жены, мира суетнаго, ум к небесным возводящи; сего бо ради и дадеся нам чудная икона Богородицы, да взирающе на ню, горняя мудрствуем, а не земная, вопия к Богу: Аллилуиа!
Икос 8
Вся еси в вышних, но и нижних не оставляешь Богородице Дево, чудесы бо Твоими, от святыя иконы Твоея, яко от живаго и независтнаго источника, изливающимися, присно нас просвещаеши, верою к Тебе притекающих и зовущих таковая: Радуйся, нищих духом неистощимое богатство и милостей бездно; Радуйся, Мати чадо-любивая, печальных незримое утешение. Радуйся, Голубице кроткая, тихая и незлобивая; Радуйся, Горлице благогласная, ненавидимых тайное успокоение. Радуйся, грешников спасение и к Богу присвоение; Радуйся, правоверных всех твердое ограждение. Радуйся, невидимое надеющимся на Тя поможение и заступление; Радуйся, ангельский уме, присно зрящий Бога. Радуйся, светозарная звездо умнаго солнца; Радуйся, Херувимов и Серафимов славнейшая. Радуйся, Архангелов и Ангелов честнейшая; Радуйся, Святая, святых большая. Радуйся, Мати Дево, всепетая христиан похвало.
Кондак 9
Вся страна наша богохранимая, милостями Твоими, Богомати, облагодатствованная, имея икону Твою чудотворную в щит и ограждение от врагов видимых и невидимых, незримою Твоею помощию побеждает вся супостаты своя, Богу же в радости сердца благоговейно вопиет: Аллилуиа.
Икос 9
Витийство наше песенное, яко детское немотствование, не довлеет к изглаголанию всех чудес и благодеяний, Тобою, Владычице, явленных и присно являемых нам от дивныя иконы Твоея; сего ради недоумевающе благохвалити Тя по достоянию, со смирением взываем Ти: Радуйся, славящих Тя всегда прославляющая; Радуйся, от огня, града и весей наших хождением иконы Твоея освящающая. Радуйся, храмы и домы наша иконою Твоею благодатно посещающая; Радуйся, молитвы молящихся Тебе к Богу возносящая. Радуйся, рыданий и воздыханий наших никогда же отметающая; Радуйся, пришествием Твоея иконы радости наша усугубляющая. Радуйся, все скорби наша и горькия беды ею услаждающая; Радуйся, унывающих Твоим человеколюбием ободряющая. Радуйся, поклоняющимся явленной Твоей иконе радость и здравие подавающая; Радуйся, души верных милосердием Твоим умиляющая. Радуйся, радосте наша, иконою Твоею святою присно нас утешающая; Радуйся, Святая, святых большая. Радуйся, Мати Дево, всепетая христиан похвало.
Кондак 10
Спасти хотяй род человеческий от вечнаго мучения и дати ему Царство Небесное, человеколюбивый Господь дарова нам, грешным, Матерь Свою в помощь, покров и защищение; буди же нам, о Всеблагая, Помощница, Заступница и Руководительница во всем житии нашем, во исходе и по кончине нашей не остави нас, милостию вопиющих: Аллилуиа.
Икос 10
Стена еси воистинну необоримая, Богородице Дево, всем к Тебе прибегающим; никто же бо притекаяй к Тебе отходит тощь, темже ущедряеми милостию Твоею, во умилении души молим Тя: покрый, заступи и спаси всех нас, безпомощных, от всяких бед, искушений и озлоблений, Тебе с любовию взывающих: Радуйся, крепкая защито возложивших на Тя упование; Радуйся, воинству споборяющая. Радуйся, судиям немздоприемным Споспешница; Радуйся, наставников и детоводителей вразумление. Радуйся, познания истины чистое зерцало; Радуйся, сохранения веры крепкое забрало. Радуйся, всеблагая Утешительница несчастных; Радуйся, сиротам безприютным Покровительница. Радуйся, всех детей благословляющая; Радуйся, всякую юность к добру направляющая. Радуйся, всех возрастных в святой жизни укрепляющая; Радуйся, Святая, святых большая. Радуйся, Мати Дево, всепетая христиан похвало.
Кондак 11
Пения и моления наша пред святою и чудотворною иконою Твоею, Тебе возносимая, приимши, благосердная Владычице, заступи, спаси, помилуй и сохрани нас от всякаго злаго обстояния, да тихое и безмолвное житие под кровом Твоим поживем во всяком благочестии и чистоте, из глубины души умиленно воспевая Богу: Аллилуиа.
Икос 11
Светоприемную свещу света божественнаго, яко Богородицу и Матерь Света Невечерняго, разумевающи и почитающи Тя, Пречистая, како возможем изрещи благодатная Твоя озарения, приснотекущая от иконы Твоея, яко от солнца лучезарнаго; обаче озарения Твоего милостиваго, Всеблагая, ищущи, дерзаем воспевати Тебе: Радуйся, заре незаходимая, светом вечным нас осиявающая; Радуйся, луно, от Солнца Правды нас облиставающая. Радуйся, светильниче, на свещ-нице превысшем поставленный; Радуйся, свеще неугасимая огня невещественнаго. Радуйся, Мати света истиннаго, благочестивых души просвещающая; Радуйся, свет райския жизни нам источающая. Радуйся, присноблажащих Тя пресветло ублажающая; Радуйся, усердно молящихся Тебе светом благодати озаряющая. Радуйся, всякую старость образцом святой жизни соделывающая; Радуйся, тьму, в которой живут язычники, неверующие, еретики и раскольники, истребляющая. Радуйся, всех грешников светом Твоим просвещающая и к покаянию приводящая; Радуйся, Святая, святых большая. Радуйся, Мати Дево, всепетая христиан похвало.
Кондак 12
Благодати залог давшая нам святую икону Твою, Мати Бога Вышняго, испроси нам у Небеснаго Владыки, Сына Твоего и Бога нашего, благодать Святаго Духа; воздвигни нас из глубины греховныя, просвети сердечныя очи наша к зрению спасения, оживотвори сердца наша духом благочестия и страха Божия, духом чистоты и правды, духом любви и милосердия, да всегда поем Богу: Аллилуиа!
Икос 12
Поющи Твоя древняя и новая милости и чудеса, Богородительнице, хвалим Тя вси, яко твердую и надежную Предстательницу нашу, со умилением поклоняемся Тебе, выну молящейся о нас и благотворящей нам; веруем бо и уповаем, яко испросиши и подаси нам вся благая и спасительная, временная и вечная, воспевающим Ти: Радуйся, непостыдное упование в животе, во исходе и по кончине нашей; Радуйся, уповающим на Тя мирен конец живота сего подающая. Радуйся, в день судный наша надежда и защищение; Радуйся, Судий праведнаго умоление. Радуйся, всех кающихся грешников прибежище и заступление; Радуйся, всех праведных слава и утешение. Радуйся, радость выну Тебе приносящих радости вечныя сподобляющая; Радуйся, слезныя моления наша милостивно приемлющая. Радуйся, покровом Твоим от врагов видимых и невидимых нас покрывающая; Радуйся, всех нас, грешных, ко спасению и восприятию благ вечных наставляющая. Радуйся, поклоняющимся иконе Твоей и Тя на помощь призывающим скоро помогающая; Радуйся, Святая, святых большая. Радуйся, Мати Дево, всепетая христиан похвало.
Кондак 13
О Всеблагая Мати Дево, Богородице, присно благодеющая нам во святей иконе Твоей, нынешнее приемши Тебе единей прикладное приношение, от всяких нас бед, напастей и скорбей временных и вечных избави и сподоби нас, рабов Твоих, в селениих райских водворитися, да во вся веки поем: Аллилуиа! Аллилуиа! Аллилуиа!
(Этот кондак читается трижды, затем икос 1 и кондак 1)
|
