საუკუნეების წინ, საქართველოში იმართებოდა თამაშად ქცეული რიტუალი ე.წ "კურული", რომელიც დასაბამს ჯერ კიდევ კოლხური კულტურიდან იღებდა. ეს იყო კუროსთან, იგივე ხართან ჭიდაობის ტრადიცია. სპეციალურად გაწვრთნილ ხარს აბამდნენ ბოძზე და გამიზნულად იწვევდნენ, შემდეგ აუშვებდნენ და მას რომელიმე ფალავანი ებრძოლებოდა. მიზანი იყო ხარის თოკებით შეკვრა და წაქცევა.

 ალბათ, ყველას ესპანური კორიდა გაგახსენდათ, თუმცა ქართულ კურულში მებრძოლი არ იყო შეიარაღებული და არანაირ ჭრილობას არ აყენებდა ცხოველს.